ПСВ ҳужумчиси Коди Гакпо "Манчестер Сити"ни фаолиятини давом эттирмоқчи бўлган клублардан бири сифатида кўрмоқда. Бу ҳақда NOS.nl хабар бермоқда.
23 ёшли Коди Гакпо ПСВ битирувчиси ҳисобланади. Ҳужумчи жорий мавсумда барча турнирларда 24 та ўйинда майдонга тушиб, 13 та гол урди ва 17 та голли узатмани амалга оширди. Томонлар ўртасидаги келишув 2026 йилда якунига етади. Олдинроқ “Манчестер Юнайтед” нидерландиялик футболчига жиддий қизиқиш билдираётгани ҳақида хабар берилганди.
Манбага кўра, Гакпо якунда унинг футболчи сифатида ривожланиши учун энг мос келадиган жамоани танлайди.
