Афтидан, Криштиану Роналдунинг "Манчестер Юнайтед"даги ҳикояси ўз ниҳоясига етмоқда. Эрик тен Хаг ва клуб раҳбарларининг танқидидан сўнг, португалиялик футболчи катта эҳтимол билан қишда клубини ўзгартиради.
Роналдунинг кетиши кутилар экан, "қизил иблислар" аллақачон трансфер бозоридаги вариантларни ўрганмоқда.
Daily Star нашри хабарига кўра, "манкунианликлар" Килиан Мбаппени сотиб олишга ҳаракат қилишади. Битим суммаси 150 миллион фунтни (тахминан 170 миллион евро) ташкил қилиши мумкин.
Килиан Мбаппе "ПСЖ" билан янги шартнома имзолади. Бироқ яқинда ОАВда форварднинг клубини ўзгартириш истаги борлиги ҳақида миш-мишлар пайдо бўла бошлади.
