"Интер" ҳимоячиси Милан Шкриньяр учун икки топ-клуб кураш олиб боради. "Арсенал" ва "Милан" словакиялик футболчи билан музокара ўтказишни режалаштирмоқда, деб хабар беради Cаlciomercato.
Аввалроқ, ОАВда 27 ёшли футболчига Франциянинг "ПСЖ" клубидан қизиқиш борлиги ҳақида хабарлар тарқалганди, бироқ томонлар келишувга эриша олмаганди.
Шкриньярнинг "нерадзуррилар" билан амалдаги шартномаси 2023 йилнинг ўрталарига қадар тузилган. Унинг трансфер нархи 60 миллион еврога баҳоланмоқда.
Ҳимоячи жорий мавсум А Серияда 15 та ўйинда майдонга тушиб, иккита сариқ карточка олди.
