Лондоннинг “Челси” клуби ярим ҳимоячиси Мэйсон Маунт билан шартномасини ноябрь ойи охиригача узайтириши мумкин. Бу ҳақда Британиянинг Тhe Athletic нашри хабар бермоқда.

Манбанинг қайд этишича, ёз бошидан бери раҳбарият Маунт билан янги шартнома борасида бир неча бор музокаралар олиб борган, бироқ бу суҳбатларнинг барчаси ҳеч нарсага олиб келмаган.

Бироқ сўнгги кунларда музокараларда сезиларли ютуқларга эришилди. Маунт янги шартларга рози бўлишни ўйламоқда ва Англия терма жамоаси билан жаҳон чемпионатида ўйнайдиган бўлса ҳам, ноябрь ойи охиригача шартнома имзолаши мумкин.