"Реал Мадрид" ярим ҳимоячиси Эден Азар нега жамоанинг асосий таркибида ўйнамаслигини тушунтиришга ҳаракат қилди. Жорий мавсумда белгиялик футболчи Испания чемпионатида бор-йўғи 98 дақиқани майдонда ўтказди ва бирорта ҳам самарали ҳаракати билан ажралиб турмади.

"Менга нима етишмаяпти? Ўйин вақти. Аммо бошқа томондан, “Реал”да айни дамда мендан яхшироқ футболчилар борлигини тушунаман. Мен буни инкор эта олмайман", - дея Эденнинг сўзларини келтирмоқда Испаниянинг Маrcа нашри.

Аввалроқ Азар қишки трансфер ойнасида “Реал”ни тарк этмаслигини айтган эди.