"Барселона" президенти Жоан Лапорта Каталония клуби молиявий муаммолар туфайли қишки трансфер ойнасида ўйинчиларни харид қила олмаслигини айтди.
"Ла Лигадаги молиявий фейр-плей шартлари туфайли январь ойида ҳеч ким билан шартнома имзолай олмаймиз. Биз чемпионат раҳбариятини ўз талаблари бўйича янада мослашувчан бўлишига ишонтириш учун қўлимиздан келган барча ишни қиляпмиз", - деди Лапорта.
2022 йилнинг ёзида "Барселона" янги трансферлар учун "молиявий дастаклар"ни ишга туширди.
Бу йил ёзги трансфер ойнасида “Барселона” 7 нафар футболчини жами 153 миллион еврога сотиб олди.