Аргентина мағлубиятсиз сериясини узайтирди.
Лионель Скалони шогирдлари ўртоқлик ўйинида Бирлашган Араб Амирликларини мағлуб этишди – 5:0. Бу орқали Аргентина ўзининг мағлубиятсиз сериясини 36 та ўйинга етказди.
Рекорд Италия терма жамоасига тегишли – 2018 йилнинг сентябридан 2021 йилнинг октябригача бўлган даврда итальянлар 37 ўйинни мағлубиятсиз ўтказган.
22 ноябрь куни Жанубий Америка терма жамоаси ЖЧ-2022 гуруҳ босқичида Саудия Арабистонига қарши баҳс олиб боради. Шунингдек, ушбу босқичда аргентиналиклар Мексика (26 ноябрь) ва Польша (30 ноябрь) билан учрашади.