Бундан бир-неча кун олдин Криштиану Роналду журналист Пирс Морганга шов-шувли интервью берган эди. Ва ўша машхур сухбатнинг биринчи қисми бироз олдин ижтимоий тармоқларга жойланди. Ўша шов-шувли сухбатнинг бугунги сонида футболчи нималар ҳақида гапиргани ва унинг тўлиқ интервьюсини қуйида билиб олишингиз мумкин.
Криштиану ёш футболчиларни танқид қилди.
У Морганга шундай дейди: "Дунёдаги барча лигалардаги ёш футболчилар менинг авлодим билан бир хил эмас. Лекин биз уларни айблай олмаймиз, чунки бу ҳаётнинг бир қисми.
Янги авлод ва янги технологиялар уларни бошқа нарсага чалғитади. Ҳозиргилар эса бир қулоғи билан эшитиб, иккинчисидан эшитганини чиқариб юборади."
“Эсимда 18-19 ёшлик пайтларим Ван Нистелрой, Рой Кин, Фердинанд, Гигз каби кучли футболчилардан ўрнак олишга ҳаракат қилардим ва шу боисдан ҳам ҳозирги даражамга етишдим. Ёшлар эса қаршиларида энг яхши ўрнак бўла оладиган футболчилар туришса ҳам улардан намуна олишга ҳаракат қилишмайди. Умуман олганда, уларга ҳеч нарсанинг фарқи йўқ”.
Роналду жамоадошлари орасида кимлардан кўнгли тўлиши, меҳнаткашлиги ҳақида ҳам тўхталиб ўтди.
Диогу Далот бу борада ўрнак бўла олади. У ёш, ақлли ва профессионал. У ҳали катта ютуқларга эришишига шубҳам йўқ.
Мартинес ва 30 ёшдан ошган бўлса-да Каземирони ҳам айтиб ўтса бўлади”.
Шунингдек, Криштиану танқидлар ва ОАВ ҳақида ҳам гапирди.
«Роналдуга ишора қилиш осон - ОАВ менинг биринчи саҳифада бўлишимни хоҳлайди. Мен бу ҳаётга ўрганиб қолганман. Мен 37 ёшдаман, мен кўп нарсани тушундим ва ўргандим. Пастда ёки тепада бўлмаганингизда, сизни танқид қилад ёки кўкка кўтаради.
Мен ёмон дақиқаларни қадрлайман, чунки улар ким сиз томонда эканлигини ва ким сизни кўпроқ танқид қила бошлаганини кўришга имкон беради, чунки мен буни кутгандим. Бундай одамлар муваффақиятли одамларни ёқтирмайди.
Охирги 4-5 ой ичида матбуотда мени тез-тез танқид қила бошлаганини пайқадим. Ва баъзида нима учун бу содир бўлаётганини тушунмайман. Бу ҳатто Португалия матбуотига ҳам тегишли. Мен буни тушунмаяпман.
Менимча, муаммонинг бир қисми ҳасадда. Бу одамлар ўзларининг камчиликларини яширишни ва яхши томонларини кўрсатишни хоҳлашади. Лекин 21 йилдан бери футболни юқори савияда ўйнаб келаман, танқид нима эканлигини биламан, бу мен учун муаммо эмас.
Мен матбуотни ўқишни ёқтирмайман. Ҳаммаси сохта, ёлғон. Хўш, эҳтимол уларнинг ҳаммаси эмас, лекин уларнинг аксарияти. У ҳар доим ёлғон гапиради - мен ҳақимда, менинг оилам ҳақида. Нега мен негативликни яратишга ҳаракат қиладиган мақолаларни ўқишим керак?
Мен учун фақат мени ёқтирганлар муҳим. Мени ёқтирмайдиганларга вақт сарфламайман. Мени бундай одамлар қизиқтирмайди”.
