Халқаро майдонда 16 ноябрь куни қатор ўртоқлик учрашувлари бўлиб ўтди.

Туркия ўз уйида Шотландия билан ўйнади. Биринчи бўлим сўнгида Ўзан Кабак туркларни олдинга олиб чиққан бўлса, иккинчи бўлим бошида Женгиз Ўндер иккинчи голни урди. Бунга меҳмонлар 62-дақиқада Жон Макгиннинг голи билан жавоб қайтарди.

Чехия терма жамоаси Фарер оролларини йирик ҳисобда ютган бўлса, Польша Кшиштоф Пёнтекнинг сўнгги дақиқалардаги голи эвазига Чилидан устун келди.

Ўртоқлик ўйинлари
16 ноябрь, чоршанба
Чехия — Фарер ороллари 5:0
Голлар: 1:0 – 13 Хитил, 2:0 – 19 Хитил, 3:0 – 23 Хитил, 4:0 – 42 Черни, 5:0 – 76 Стронати.

Польша — Чили 1:0
Гол: 1:0 – 85 Пёнтек.

Туркия — Шотландия 2:1
Голлар: 1:0 – 40 Кабак, 2:0 – 49 Ўндер, 2:1 – 62 Макгинн.