26 ноябрь санасида «Энг зўр-2022» тақдирлаш маросими бўлиб ўтиши ҳақида хабар бергандик. Шу куни Ўзбекистон футболидаги йилнинг энг яхшилари жамоатчилик гувоҳлигида аниқлаб олинади.

Ўзбекистон футбол ассоциацияси ҳамда Профессионал футбол лигаси ҳамкорлигида ташкил этилаётган маросим лауреатлари тез орада эълон қилинади. Анъанага кўра, энг асосий номинациялар ғолиблари спорт журналистлари овозига кўра аниқланади. Ички лигалар таснифида эса энг кучлилар мавсум давомида мураббийлар, футболчилар, ОАВ вакиллари ҳамда мухлислар овозларига кўра аниқлаб келинмоқда. Шунингдек, ташкилотчилар ўзбек футболи ривожига ўз ҳиссасини қўшиб келаётган яна қатор инсонларни тақдирлашни режалаштирган.

Биз номинациялар ҳамда унга бўлган номзодларни босқичма-босқич эълон қилиб борамиз. Шундай экан, ЎФА ҳамда ЎзПФЛ саҳифаларини кузатиб боринг.