"Рома" қишки трансфер ойнасида ҳужумчи Тэмми Абрахам билан хайрлашиши мумкин. Calciomercato хабарига кўра, 25 ёшли инглиз футболчисига "Арсенал" даъвогарлик қилмоқда.
Ҳужумчининг Рим клуби билан шартномаси 2026 йилгача мўлжалланган. Transfermarkt портали футболчининг нархини 45 миллион еврога баҳоламоқда.
Абрахам жорий мавсумда “Рома” сафида барча турнирларда 20 та ўйинда майдонга тушди. Ҳужумчида 4 та гол ва битта голли узатма бор.
Англия терма жамоаси бош мураббийи Гарет Саутгейт ўз жамоасининг Қатарда бўлиб ўтадиган жаҳон чемпионати учун сўнгги қайдномасига футболчини киритмасликка қарор қилди.
