"Roma" qishki transfer oynasida hujumchi Temmi Abraxam bilan xayrlashishi mumkin. Calciomercato xabariga ko‘ra, 25 yoshli ingliz futbolchisiga "Arsenal" da’vogarlik qilmoqda.
Hujumchining Rim klubi bilan shartnomasi 2026 yilgacha mo‘ljallangan. Transfermarkt portali futbolchining narxini 45 million yevroga baholamoqda.
Abraxam joriy mavsumda “Roma” safida barcha turnirlarda 20 ta o‘yinda maydonga tushdi. Hujumchida 4 ta gol va bitta golli uzatma bor.
Angliya terma jamoasi bosh murabbiyi Garet Sautgeyt o‘z jamoasining Qatarda bo‘lib o‘tadigan jahon chempionati uchun so‘nggi qaydnomasiga futbolchini kiritmaslikka qaror qildi.
