"Барселона" ҳимоячиси Эктор Бельерин қишки трансфер ойнасида Каталония клубини тарк этиши мумкин, дея хабар беради инсайдер Николо Скира.
Манбага кўра, испанияликнинг ўйини "кўк-анорранглилар" раҳбариятига тўғри келмаган, футболчи "Барса" бош мураббийи Хавининг режаларига киритилмаган. Бельерин "Рома"га аллақачон таклиф қилинган. Италия клуби "бўрилар" бош мураббийи Жозе Моуриньо билан ёмон муносабатда бўлган ўнг қанот ҳимоячиси Рик Карсдорпга ўринбосар қидирмоқда.
Испаниялик футболчи ва каталонияликлар ўртасидаги келишув 2023 йилнинг ёзига қадар мўлжалланган. Transfermarkt порталига кўра, футболчининг трансфер нархи 15 миллион еврони ташкил қилади.
Бельерин ёзги трансфер ойнаси охирида "Барселона"га ўтди. Бу вақт ичида испаниялик каталонияликлар учун 5та ўйин ўтказиб, самарали ҳаракатлари билан ажралиб тура олмади.
