Мадриднинг “Реал” клуби ва Бразилия терма жамоаси ҳужумчиси Винисиус Жуниор рақибнинг қийин ўйинига муносабати ҳақида фикр билдирди.
"Тўпни қабул қилганимда, фақат гол ҳақида ўйлайман. Улар менга қарши қаттиқ ўйнашлари мумкинлигини тушунаман, лекин мен бунга тайёрман. Карим Бензема менга хотиржам бўлишим кераклигини айтди, агар рақиблар шундай ўйнаса, мендан қўрқишади", - деди Винисиус Globe Esporte нашрига.
22 ёшли бразилиялик футболчи жорий мавсумда “Реал” сафида барча турнирларда 21 та ўйинда майдонга тушиб, 10 та гол урди ва 5 та голли узатмани амалга оширди.
14 турдан кейин "Реал Мадрид" Испания чемпионати турнир жадвалида "Барселона"дан икки очко ортда қолиб, иккинчи ўринда бормоқда.
