“Арсенал”, “Манчестер Сити” ва “Ливерпуль” клубларининг машҳур собиқ футболчиси Коло Туре тез орада “Уиган” бош мураббийига айланади.

Клуб вакиллари мураббий билан аллақачон келишиб олишган, деб хабар беради Sky Sports ва тез орада томонларнинг ҳамкорлиги расман тасдиқланади. "Уиган" Колонинг акаси Яя Турега ҳам даъво қилган, аммо у рад жавобини бериб, "Тоттенхэм" ёшлар жамоаси билан ишлашни давом эттиришни афзал кўрган.

Коло Туре айни дамда "Лестер"да Брендан Рожерсга ёрдам беради, шу билан бирга ўз мамлакати терма жамоасида ёрдамчи мураббий сифатида ҳам ишлайди.