"Аякс" ижрочи директори Эдвин ван дер Сар ҳимоячи Лисандро Мартинес "Манчестер Юнайтед"га эмас, балки Лондоннинг "Арсенал" жамоасига ўтиши мумкинлигини тан олди. Бироқ “канонирлар”дан келган таклиф уларни қониқтирмади.
“Арсенал” аввалроқ Лисандро бўйича таклиф билан чиққан эди, аммо бу шундай сумма эдики, биз: “Таклиф учун катта раҳмат, лекин биз музокараларни бошлашдан кўра, футболчини сақлаб қолишни афзал кўрамиз”, дедик.
“Манчестер Юнайтед”нинг таклифи бироз бошқача эди. Менинг вазифам «Аякс» учун энг яхши қарорларни қабул қилиш", - дея ван дер Сар сўзларини келтирмоқда The Athletic.