Россия терма жамоаси футболчиси Фёдор Чалов Ўзбекистон миллий терма жамоасига қарши бўлиб ўтадиган ўртоқлик учрашувида майдонга тушмайди.
"Матч ТВ" хабарига кўра, ЦСКА ҳужумчиси Тошкентда бўлиб турган Россия терма жамоа лагерини тарк этган ва Ўзбекистон миллий терма жамоасига қарши ўртоқлик ўйинида иштирок этмайди. Футболчи Москвага қайтди.
24 ёшли ҳужумчи Тожикистонга (0:0) қарши ўйинда Россия терма жамоасининг асосий таркибида майдонга тушди ва танаффус вақтида алмаштирилди. Унинг ўрнига Арсен Захарян майдонга тушди.
Ўзбекистон – Россия учрашуви 20 ноябрь куни бўлиб ўтади. Учрашув Тошкент вақти билан 17:00 да бошланади.
