Қатар яшил майдонларида ўтадиган мундиал стартига бир кун қолди. Барча футбол ишқибозларининг эътибори айнан шу турнирга қаратилса, ажаб эмас. Шундай экан биз ҳам мундиал бўйича сизларга маълумот беришда давом этамиз. Ушбу Жаҳон чемпионатида бир-нечта рекордлар янгиланиши мумкин. Улар билн қуйида танишиб чиқамиз.
Энг тажрибали аъзо
Месси тўртта жаҳон чемпионатида 19 та ўйин ўтказган. Лионель Марадонанинг рекордларидан бирини янгилаши мумкин. Диего жаҳон чемпионатида 21 та ўйин ўтказган. Дарвоқе, Аргентина финалга чиқса ва Лионель ҳар бир учрашувда майдонга тушишса, у жами 26 та ўйин ўтказиб, жаҳон рекордчиси бўлади. Айни дамда - Маттеус (25 ўйин), Клозе (24) ва Малдини (23 ўйин) мундиалда энг кўп ўйин ўтказган футболчилар бўлиб туришибди. Кучли ўнталикда Марадонадан ташқари яна бир аргентиналик ҳам бор - Маскерано, аммо Месси Қатардаги иккинчи ўйиндан сўнг ундан ўзиб кетади.
Энг ёш ва энг кекса футболчи
Энг ёш футболчи номинациясида немислар ҳужумчисини таъкидлаш жоиз. "Боруссия Д"ниг 17 ёшли ҳужумчиси, ажойиб ўйинлари билан кенг жамоатчиликка танилган Юсуф Мукоко терма жамоадан чақирув олди. Флик ҳужумда жиддий муаммоларга дуч келмоқда. Кўрамиз, 20 ноябрь куни 18 ёшга тўладиган йигит турнир қаҳрамонига айланадими, чунки Германия Клозе ва Гомес кетганидан кейин ажойиб ҳужумчини кутаётганди, Ҳаверц эса вақтинчалик ўринбосар бўлиб қолмоқда. Юсуф жаҳон чемпионати тарихидаги энг ёш иштирокчига айланмайди, рекорд шимолий ирландиялик Норман Уайтсайдга тегишли – “Манчестер Юнайтед” тарбияланувчиси 17 ёшу 1 ой 10 кунлигида дебют қилган.
Австралияликлар 18 ёшли Куола, худди шу ёшдаги Гави ва шунингдек, Коста-Рика ва Марокаш термаларида 2004 йилда туғилган, Мукоко билан тенгдош футболчилар бор. Мексика терма жамоасининг 40 ёшли дарвозабони Талавера турнирдаги энг кекса футболчи бўлмоқда.
Энг фойдали футболчи
Томас Мюллер, албатта. 2010 йилги жаҳон чемпионатида Мюллер қандай ўйин намойиш этганини эслайсизми? Мюллер Европа чемпионатларида у даражадаги зўр футболчидек таасурот қолирмайди. Ҳудди ўтган йилги турнирда Англия дарвозасига ура олмаган голи каби. Лекин жаҳон чемпионатларида у ҳақиқий юлдузга айланиб кетади. Томас ўзининг биринчи мундиалида 5 та гол урган, кейингисида ҳам 5 бор дарвозаларни ишғол қилган. Жаҳон чемпионатлари тарихида бор-йўғи етти киши ундан кўп гол ура олишган. Клозе 16 та гол билан мундиаллар тарихида энг кўп гол киритган футболчи бўлиб қолмоқда. Кейинги ўринларда Роналдо (15), Герд Мюллер (14), Фонтен (13), Пеле (12), Клинсманн ва Кошич (11 та). Агар Мюллер икки гол уриб, Пелега тенглашса, бу аллақачон фахрланадиган ютуқ. Фликда Мюллердек тажрибали футболчи борлиги бу ютуқ. Шунингдек, Томас Қатардаги жаҳон чемпионатининг барча иштирокчилари орасида нафақат голлар бўйича, балки голли узатмалар бўйича ҳам рекордчи эканлигини эслатишимиз керак. У 6 голга узатма берган.
