Франция терма жамоасининг собиқ ҳужумчиси Давид Трезегенинг фикрича, Лионель Месси орзу қилган совринни қўлга киритиши керак.
Кўплаб машҳур футбол арбоблари сингари, Трезеге ҳам фаолиятидаги сўнгги жаҳон чемпионати якунида афсонавий аргентиналик футболчини кубок билан кўришни хоҳлайди.
"Месси жаҳон чемпионатида ғалаба қозонишга ҳақли эди. У ўз мамлакатига олтин медалларни олиб беришга лойиқ, аммо бошқа кўплаб даъвогарлар борлиги сабабли буни амалга ошириш осон бўлмайди", - деди 1998 йилда Франция терма жамоаси билан жаҳон чемпиони бўлган Трезеге Sportweek нашрига берган интервьюсида.
Аргентина терма жамоаси Саудия Арабистони, Мексика ва Польша терма жамоалари билан турнирнинг 1/8 финали йўлланмаси учун курашади.
