"Барселона" ҳужумчиси Усмон Дембеле фаолиятини "Челси"да давом эттириши мумкин, деб хабар беради Sport Daily.

Нашрнинг ёзишича, Лондон клуби 25 ёшли футболчини ўз сафига қўшиб олиш имкониятини кўриб чиқмоқда. “Кўклар” ҳужум чизиғини яхшилашга интилмоқда, мураббийлар штаби Рахим Стерлинг ва Кай Хаверцнинг ўйинидан норози.

“Барселона” раҳбарияти бу келишувдан манфаатдор эмас ва франциялик ҳужумчи билан шартномани узайтиришни режалаштирмоқда. Дембеленинг каталонияликлар билан амалдаги шартномаси 2023/24 йилги мавсумгача амал қилади.

25 ёшли ҳужумчи жорий мавсумда “Барселона” сафида 20 та ўйинда майдонга тушиб, 5 та гол урди ва 7 та голли узатмани амалга оширди. Transfermarkt маълумотларига кўра футболчининг нархи 60 миллион еврони ташкил қилади.