Россиялик таниқли ҳакам Сергей Ҳусаинов «РБ Спорт» мухбири билан суҳбатда Ўзбекистон-Россия ўйинини бошқарган қозоғистонлик рефери Данияр Сахининг ҳаракатларига баҳо берди.

"Бу ўйинда 2та баҳсли вазият рўй берди. Иккаласи ҳам россиялик футболчи Дмтрий Баринов иштирокида рўй берди. Биринчи вазиятда у ўз жарима майдонимиз остонасида рақиб футболчисининг оёғини босди. Ҳакам ўша жойга яқин турганди. Қоидага кўра, у ерда фол бор эди. Демак, жарима зарбаси белгиланиб, футболчимизга сариқ карточка белгиланиши керак эди. Ҳакам на унисини, на бунисини қайд этди.

Иккинчи вазият. Ўзбекистон терма жамоаси футболчиси (Отабек Шукуров) чап қанотдан жарима майдонига кирмоқда ва Бариновни алдаб ўтмоқда. Дмитрий эса рақибни йиқитмоқда. Ҳакам яна жим. Аммо бу — тоза фол. Демак, пенальти", — деди Ҳусаинов.