“Интер” яқин орада ҳимоячи Маттео Дармиан билан шартномани узайтиришни режалаштирмоқда, деб ёзади La Gazzetta dello Sport. Унинг амалдаги шартномаси 2023 йилнинг ёзида якунига етади.
Манба берган хабарга кўра, яқин орада томонлар футболчининг жамоадаги келажаги бўйича музокараларни бошлашади.
32 ёшли италиялик 2020 йилнинг кузида Пармадан "Интер"га ўтган эди. Жорий мавсумда у жамоа сафида 14 та ўйин ўтказиб, 2 та голли узатмани амалга оширди. Аввалроқ у "Манчестер Юнайтед", "Милан", "Палермо", "Торино" ва Италия терма жамоасида ҳам тўп тепган.
