Россия терма жамоаси бош мураббийи Фабио Капеллонинг таъкидлашича, унинг олдида минимум ва максимум вазифалар мавжуд эмас экан. Италиялик мутахассис Россия термасининг мақсади - ЖЧ-2014га чиқиш эканлигини айтди.
"Бизда икки хил дастур йўқ. Мақсад битта - Бразилияда ўтадиган жаҳон чемпионатига бориш. Ҳозироқ ёзиб қўйишингиз мумкин: биз албатта у ерга борамиз!
Менинг сўз луғатимда "агар" ва "бўлиши мумкин" деган сўзлар йўқ. Мен тўғри одамман, булутларда сузмайман, орзуларга берилмайман. Ишлаш керак - шу, холос", - дея Капеллонинг сўзларини келтиради "Спорт-экспресс".
