Англия терма жамоаси бош мураббийи Гарет Саутгейт Эронга қарши ўйинда (6:2) жароҳат олган ҳужумчи Харри Кейннинг ҳолати ҳақида гапирди.
"Менимча, Харрида ҳаммаси жойида. Бу омадсиз тўпга ташланиш эди, лекин у ўйнашда давом этди. Биз уни захирага олишга қарор қилдик, чунки ўйинда усиз ҳам ғалаба қозона оладиган пайт эканлигини ҳис қилдик", - деди Саутгейт.
Ушбу учрашувда Кейн иккита голли узатмани амалга оширди. Учрашув давомида ҳужумчи 79-дақиқада алмаштирилди.