Жаҳон чемпионати гуруҳ босқичининг биринчи турида Дания терма жамоаси Тунисга қарши баҳс олиб боряпти. Танаффусга бироз вақт қолганида “қизиллар" сафида мажбурий алмаштириш амалга оширилди. Ярим ҳимоячи Томас Делайни жароҳат олди ва ўйинни давом эттира олмади. Унинг ўрнига Миккел Дамсгаард шошилинч равишда майдонга тушди.
Кўринишидан, Томас Делайни тиззасидан жароҳат олган. Майдонни тарк этгач, футболчи захира ўриндиғида ўтирган вақтида тиззасини муз билан ўраб олган эди.
Қўшимча қиламизки, "D" гуруҳида Дания ва Тунис билан бирга Франция ва Австралия терма жамоалари иштирок этмоқда.
