Сербия терма жамоаси ярим ҳимоячиси Сергей Милинкович-Савич Қатардаги жаҳон чемпионатида жамоа олдига қандай вазифалар қўйгани ҳақида гапириб берди.
"Менимча, биз саралаш баҳсларида бўлгани каби реал умидларни шакллантиришимиз ва хотиржамликни сақлашимиз керак. Биз имкон қадар кўпроқ ғалаба қозонишга ҳаракат қилишимиз керак. Аммо ҳозир асосий мақсад гуруҳ босқичидан ўтиш.
Охирги жаҳон чемпионатида гуруҳда Швейцария ва Бразилия терма жамоалари бор эди. Рақибларимиз бошқача бўлишини ҳоҳлаганим учун аввалига ҳафсалам пир бўлди. Аммо орқага қараб, бу унчалик ёмон эмаслигини тушундим", - дея 27 ёшли футболчи The Laziali билан суҳбатда.
Сербия "G" гуруҳида Бразилия, Швейцария ва Камерун каби терма жамоаларга қарши баҳс олиб боради.
Серблар 24 ноябрь куни Бразилияга қарши баҳс олиб борадилар. Учрашув Тошкент вақти билан 00.00да бошланади.
