Роберт Левандовски кетма-кет иккинчи пенальтидан фойдалана олмади.
"Барселона"нинг 34 ёшли ҳужумчиси ЖЧ-2022 доирасидаги Польша - Мексика (0:0) учрашувида дарвозабон Гилермо Очоани доғда қолдира олмади.
Польшалик ҳужумчи фаолияти давомида 80 марта пенальти тепган, шуларнинг 71 тасини бехато бажарган, 9 тасидан эса аниқ фойдалана олмаган.
Шу билан бирга, Роберт кетма-кет иккинчи марта пенальтидан унумли фойдалана олмади. 5 ноябрь куни у Ла Лига доирасида "Альмерия"га қарши ўйинда (2:0) "Барселона" фойдасига белгиланган пенальтини голга айлантира олмаганди.
Opta Sports портали хабарига кўра, Польша жаҳон чемпионатида кетма-кет учта пенальтини ноаниқ амалга оширган тарихдаги биринчи терма жамоадир. 1978 йилда Казимеж Дейн ва 2002 йилда Мачей Журавски ҳам 11 метрли нуқтада адашишган.
