"Манчестер Юнайтед" 22 ноябрь куни португалиялик ҳужумчи Криштиану Роналду билан шартномани бекор қилди, деб хабар беради Daily Mail.
Шартнома томонларнинг ўзаро келишуви билан бекор қилинди.
Манбага кўра, 37 ёшли португалиялик шу туфайли 16 миллион фунт стерлинг йўқотади.
"Манчестер Юнайтед"да ҳафтасига 500 минг фунт олган футболчи товон пулисиз клубни тарк этди. Унинг "Юнайтед" билан шартномаси яна 7 ой давом этиши керак эди.
Роналду Қатардаги жаҳон чемпионати бошланишидан олдин Британиянинг The Sun нашрига интервью бериб, унда Эрик тен Хаг ва клубни танқид қилган эди.
