Глейзерлар оиласи "Манчестер Юнайтед"ни сотиши мумкин.
Sky Sports хабарига кўра, "Манчестер Юнайтед" хўжайинлари 17 йиллик эгаликларидан сўнг клубни сотишмоқчи.
Глейзерлар яқин орада ташқи инвестицияларнинг потенциал манбаларини ўрганиш ниятларини расман эълон қилишга тайёрланмоқда. Ишбилармонлар инвестиция банкирларига клубни тўлиқ ёки қисман сотиш жараёни бўйича маслаҳат беришни топширдилар. Учинчи томонлар билан стратегик ҳамкорлик ҳам мумкин.
Глейзерлар 2005 йилда 790 миллион фунт эвазига "МЮ"ни сотиб олишган. Жамоа ҳозирда 2,15 миллиард долларга (1,81 миллиард фунт) баҳоланмоқда. Глейзерлар 5-9 миллиард фунт стерлинг оралиғидаги таклифларни кўриб чиқишга тайёр экани аввалроқ хабар қилинганди.
