"Манчестер Юнайтед"нинг собиқ ҳужумчиси Криштиану Роналду фаолиятини қаерда давом эттириши мумкинлигини аниқлади. Айни дамда унинг олдида иккита асосий вариант бор: Англиянинг “Ньюкасл” ва Саудия Арабистонининг “Ан-Наср”и, деб ёзади Marca.
22 ноябрь куни "Манчестер Юнайтед" ва 37 ёшли ҳужумчи томонларнинг ўзаро келишувига кўра шартномани бекор қилишди.
Британия матбуотига кўра, Роналду шу туфайли 16 миллион фунт стерлинг йўқотади.
Жорий мавсумда португалиялик футболчи “Манчестер Юнайтед” сафида барча турнирлар доирасида 16 та ўйин ўтказиб, 3 та гол урди ва 2 та голли узатмани амалга оширди.
