Россия премьер-лигаси иккинчи тури баҳсларига кеча старт берилганидан хабаринингиз бор. Бугун иккинчи тур баҳслари доирасида бир қатор учрашувлар бўлиб ўтди. Турнинг марказий баҳсларидан бирида амалдаги чемпион - "Зенит" Москванинг "Динамо"сини қабул қилди ва 2:0 ҳисобида ғалаба қозонди.
Александр Кержаков ҳамда Доменико Кришитоларнинг голига москваликлар муносиб жавоб қайтара олишмади.
Зенит (Санкт-Петербург) – Динамо (Москва) – 2:0
Голлар: Кержаков, 10 (1:0); Кришито, 71 (2:0)
Пермь шахрида эса, тур сенсацияларидан бири қайд этилди. "Амкар" ҳамда Москванинг "ЦСКА" учрашувида мезбонлар ажойиб тарзда ғалаба қозондилар. Умуман олганда, учрашувда тажрибали рақибига ҳеч қандай имкон қолдирмаган "Амкар" ҳақли равишда ғалаба қозонди.
Учрашув тақдири биринчи бўлимнинг ўзидаёқ ҳал бўлишга улгурди. Биринчи бўлимни 3:1 ҳисобида ўз фойдасига ҳал қилган "Амкар" иккинчи бўлимда ўз устунлигини бўшаштирмади ва ғалабани сақлаб қолди. Шуни ҳам қўшимча қилиш керакки, иккинчи бўлимда "ЦСКА" ҳимоячиси Сергей Игнашевич ҳамда Алан Дзагоевлар ҳакам томонидан четлаштирилганлар.
Амкар (Пермь) – ЦСКА (Москва) – 3:1
Голлар: Бурмистров, 6 (1:0); Хонда, 13 (1:1); Ребко, 19 (2:1); Ребко, 41 (3:1).
Амалга оширилмаган пенальти: Хонда, 45+1.
Огоҳлантиришлар: Гаглоев, 45+1; Черенчиков, 73 – йук
Четлатиш: Игнашевич, 61; Дзагоев, 85. Иккаласи ҳам ЦСКА
