Ҳужумчи Жоау Феликс қишки трансферлар вақтида “Атлетико”ни тарк этмоқчи, деб хабар беради AS.
Бир қанча клублар 23 ёшли португалиялик футболчи атрофидаги вазиятни кузатмоқда, бироқ ҳозирча ҳеч ким "Атлетико"га расмий сўров юбормаган.
Феликс аллақачон Мадрид клубига қишда кетишни истаётганини айтган.
"Атлетико" португалияликнинг кетишига тўсқинлик қилмайди, лекин уни арзонга сотмоқчи эмас. Айни пайтда барча томонлар учун энг қизиқарли вариант ижарага ўхшайди.
Феликснинг Мадрид клуби билан шартномаси 2026 йилгача мўлжалланган. Transfermarkt портали футболчининг нархини 50 миллион еврога баҳоламоқда.
Жорий мавсумда у "матрасчилар" сафида барча мусобақаларда 19 та ўйинда майдонга тушди ва 4 та гол урди ва 3 та голли узатмани амалга оширди.