Hujumchi Joau Feliks qishki transferlar vaqtida “Atletiko”ni tark etmoqchi, deb xabar beradi AS.
Bir qancha klublar 23 yoshli portugaliyalik futbolchi atrofidagi vaziyatni kuzatmoqda, biroq hozircha hech kim "Atletiko"ga rasmiy so‘rov yubormagan.
Feliks allaqachon Madrid klubiga qishda ketishni istayotganini aytgan.
"Atletiko" portugaliyalikning ketishiga to‘sqinlik qilmaydi, lekin uni arzonga sotmoqchi emas. Ayni paytda barcha tomonlar uchun eng qiziqarli variant ijaraga o‘xshaydi.
Feliksning Madrid klubi bilan shartnomasi 2026 yilgacha mo‘ljallangan. Transfermarkt portali futbolchining narxini 50 million yevroga baholamoqda.
Joriy mavsumda u "matraschilar" safida barcha musobaqalarda 19 ta o‘yinda maydonga tushdi va 4 ta gol urdi va 3 ta golli uzatmani amalga oshirdi.