"Ливерпуль" вингери Луис Диас фаолиятининг қайсидир даврида Испанияда ўйнаш истагини билдирди.
"Мен испан клубида ўйнашни хоҳлардим. Бу кўпроқ болалик орзуси" - деди Диас Колумбиянинг SoHo журналига берган интервьюсида.
"Аммо ҳозир фақат кубокларни қўлга киритиш ва "Ливерпуль" билан тарих ёзиш ҳақида ўйлаяпман. Бу дунёдаги энг катта клублардан бири. Бу ерда менга берилган имконият учун жуда миннатдорман", - дея қўшимча қилди 25 ёшли колумбиялик футболчи.
Эслатиб ўтамиз, "Ливерпул"га ўтишдан олдин Луис Диас Европада фақат “Порту”да ўйнаган. Қанот футболчиси ўтган қишда Англияга кўчиб ўтганди.
