Бразилия терма жамоаси бош мураббийи Тите терма жамоа ҳужумчиси Неймарнинг жароҳати ҳақида фикр билдирди.
30 ёшли бразилиялик ЖЧ-2022 доирасида Сербияга (2:0) қарши ўйиннинг 68-дақиқасида сербиялик ҳимоячи Никола Миленкович билан тўқнашиб кетганидан кейин алмаштирилган эди.
"Неймар ушбу жаҳон чемпионатида яна ўйнашига амин бўлишингиз мумкин. Мен буни аниқ биламан", — дея Тите сўзларини келтиради RMC Sport.
Бразилиялик шифокор Неймарнинг ўнг тўпиғини қайриб олганини айтди. Тўлиқ текширувлар ҳали ўтказилмаган.