Бразилиялик ҳимоячи Данило жароҳати туфайли Швейцария ва Камерун терма жамоалари билан ўйнамайди.
TNT Sports хабарига кўра, футболчи ЖЧ-2022 гуруҳ босқичи 1-тури доирасида Сербияга қарши ўйинда чап тўпиғидан жароҳат олган.
Бугун Данило текширувдан ўтди, унга тўпиғи чўзилиши ташхиси қўйилди. Шу муносабат билан 31 ёшли футболчи Швейцария ва Камерунга қарши гуруҳ босқичининг қолган ўйинларида майдонга тушмаслиги ва ЖЧ-2022 1/8 финалида майдонга тушиши ҳақида қарор қабул қилинди.
Кеча Данило Бразилия терма жамоасида Сербия билан ўйинда асосий таркибда майдонга тушди ва учрашувни тўлиқ ўтказди.
Аввалроқ, ҳужумчи Неймар жароҳати туфайли Бразилия терма жамоаси сафида жаҳон чемпионати гуруҳ босқичида иштирок этмаслиги маълум бўлганди.
