"Наполи" 2023 йилнинг ёзида эркин агентга айланадиган "Вулверхэмптон" ҳужумчиси Адам Траорени ўз сафига қўшиб олишни кўриб чиқмоқда. Италия клуби 26 ёшли футболчини текинга ўзига жалб қилмоқчи. Бу ҳақда La Gazette Dello Sport хабар бермоқда.
Траоре "Барселона" тарбияланувчиси ҳисобланади. У 2004 йилдан 2015 йилгача жамоа таркибида бўлган, кейин фаолиятини Англияда давом эттирган ва у ерда "Астон Вилла" ва "Мидлсбро"да ўйнаган. 2022 йилнинг январидан июнигача Траоре "Барселона"да ижара асосида ўйнаган. Испания клуби футболчини 30 миллион еврога сотиб олиш имкониятига эга эди, аммо "кўк-анорранглилар" ундан фойдаланмади.
Адама Траоре жорий мавсумда Премьер-лиганинг 12 ўйинида 1 та гол урди. У 2018 йил августидан бери "Вулверхэмптон" сафида тўп суради.