"Барселона" бош мураббийи Хави Серхио Бускетс келаси мавсум ҳам жамоада қолишига умид қилмоқда. Diario Sport хабарига кўра, мутахассис Каталония клуби раҳбариятидан 34 ёшли ярим ҳимоячи билан шартномани узайтиришни сўрамоқда.
Хавининг ишончи комилки, Бускетс ҳали ҳам жамоага фойда келтириши мумкин. Аввалроқ футболчи қишда кетишни ҳам ўйлаб кўрган, бироқ каталонияликлар бош мураббийи уни қолишга кўндирган.
Жорий мавсумда “Барселона” сардори 16 та учрашувда иштирок этди ва битта самарали узатма қайд этди.
Бускетснинг клуб билан шартномаси 2023 йилнинг ёзида якунига етади.
