Германия терма жамоаси бош мураббийи Ханс-Дитер Флик Испания билан бўлажак ўйин ҳақида гапирди.

Жамоалар ЖЧ-2022 гуруҳ босқичининг 2-турида тўқнаш келишади. Ўйин эртага, 27 ноябрь куни бўлиб ўтади.

“Охирги икки турнир унчалик яхши бўлмади. Бу бошқа ҳеч қачон такрорланмаслигини истаймиз. Шу боис бор эътиборимизни бўлажак ўйинга қаратганмиз. Бу биз учун жаҳон чемпионатидаги илк финал. Биз ўйинда ғалаба қозониш учун ҳамма нарсани қиламиз.

Футболчиларнинг тайёргарлигига келсак, Испанияни мисол қилиб олишимиз мумкин. Тактик ва техник тайёргарлик.

Албатта, менга ишониб топширилган жамоадан ҳали ҳам мамнунман. Охирги тур олдидан 1/8 финал эшиклари биз учун очиқ қолиши учун ҳамма нарсани қиламиз”, - деди Флик.