Germaniya terma jamoasi bosh murabbiyi Xans-Diter Flik Ispaniya bilan bo‘lajak o‘yin haqida gapirdi.
Jamoalar JCH-2022 guruh bosqichining 2-turida to‘qnash kelishadi. O‘yin ertaga, 27 noyabr kuni bo‘lib o‘tadi.
“Oxirgi ikki turnir unchalik yaxshi bo‘lmadi. Bu boshqa hech qachon takrorlanmasligini istaymiz. Shu bois bor e’tiborimizni bo‘lajak o‘yinga qaratganmiz. Bu biz uchun jahon chempionatidagi ilk final. Biz o‘yinda g‘alaba qozonish uchun hamma narsani qilamiz.
Futbolchilarning tayyorgarligiga kelsak, Ispaniyani misol qilib olishimiz mumkin. Taktik va texnik tayyorgarlik.
Albatta, menga ishonib topshirilgan jamoadan hali ham mamnunman. Oxirgi tur oldidan 1/8 final eshiklari biz uchun ochiq qolishi uchun hamma narsani qilamiz”, - dedi Flik.
