«Манчестер Юнайтед» ярим ҳимоячиси Каземиро португалиялик ҳужумчи Криштиану Роналдунинг "манкунианликлар" сафини тарк этгани ҳақида гапирди.
«Шартнома бекор қилинганидан кейин мен у билан мулоқот қилмадим. Роналду - катта шахс, у ўзи учун нима яхши эканини билади.
Албатта, шундай футболчи кетганида хафа бўламан. Бу дунёдаги энг яхши футболчилардан бири. Мен унга энг яхши тилакларимни тилайман. У зўр футбол кўрсатишда давом этсин”, - дейди бразилиялик футболчи.
Эслатиб ўтамиз, Роналду ва «Манчестер Юнайтед» ўзаро келишув асосида шартномани бекор қилганди. Шартнома 2023 йилнинг ўрталаригача ҳисобланган.
