Нидерландия терма жамоаси вингери Коди Гакпо "Манчестер Юнайтед" томонидан бўлаётган қизиқиш ҳақидаги саволга жавоб берди.
23 ёшли ПСВ футболчиси Қатардаги жаҳон чемпионатида ўз миллий жамоасининг учта голидан иккитасини киритди ва бу Европанинг топ-клубларидан бирига ўтиши мумкинлиги ҳақида янги миш-мишларни келтириб чиқарди. Қизиқаётган клублар орасида "Манчестер Юнайтед" ҳамон асосий даъвогарлик қилмоқда ва футболчини январда сотиб олишни режалаштирмоқда.
"Албатта, эшитиш ҳар доим ёқимли", - дейди Гакпо "қизил иблислар"нинг қизиқиши ҳақидаги саволга. - Шундай бўлса-да, ҳозир бор эътиборимни жаҳон чемпионатига қаратганман. Мен шунчаки қўлимдан келганини қиламан ва ўз жамоам ҳақида ўйлайман", - деди футболчи Sky Sports билан суҳбатда.
