Германия терма жамоаси бош мураббийи Ханс-Дитер Флик Испанияга қарши ўйин якунида қўлга киритилган дурангдан (1:1) мамнун.
Немис жамоаси Коста-Рикага қарши сўнгги тур ўйинидан олдин фақат бир очкога эга.
"Бу жуда қизиқарли ўйин бўлди, жамоалар томошабинларни хурсанд қилишди. Охиригача курашган футболчиларимга алоҳида раҳмат айтаман. Бугунги натижа биринчи қадам, биз Коста-Рикага қарши навбатдаги ўйинда 1/8 финал йўлида ҳал қилувчи ҳаракат қилишимиз керак.
Ҳар хил гапларни ўқидим, лекин бизда атмосфера билан боғлиқ ҳеч қандай муаммо йўқ, жамоамизда ҳамма яхши тил топишади. Бугунги ўйиндан фахрланаман. Футболчилар характер кўрсатишди" - деди Флик ўйиндан кейинги интервьюсида.
