Ўнг қанот ҳимоячиси Дензел Дюмфрисга бир нечта Европа грандлари кўз тиккан. Масалан, голландиялик футболчини Англиянинг «Челси» ва «Манчестер Юнайтед» клублари ўз сафига қўшиб олишга ҳаракат қилмоқда, деб ёзади La Gazzetta Dello Sport.
Бироқ, «Интер» потенциал харидорларни Дензелнинг нархи билан қўрқитди. Милан клуби 26 ёшли футболчи учун 60 миллион евро сўрамоқда.
«Интер» сафида Дюмфрис 65 та расмий ўйин ўтказган. Уларда голландиялик футболчи 7 та гол урди ва шерикларига 10 та голли узатма берди.
