Қатарда бўлиб ўтаётган жаҳон чемпионати гуруҳ босқичининг 2-туридан ўрин олган Гана ҳамда Жанубий Корея терма жамоалари ўртасидаги учрашув (3:2) якунланди. Осиё терма жамоаси бош мураббийи Паулу Бенту ўйин тугаганидан кейин қизил карточка олди. Шу тариқа мутахассис Португалия билан 3-тур учрашувини ўтказиб юборади.
Учрашув бош ҳаками Энтони Тейлор иккинчи бўлимга 10 дақиқа қўшиб берди. Бу вақтдан сўнг Жанубий Корея бурчак тўпини ишлаб олди, аммо Тейлор финал ҳуштагини чалаётгани учун ҳужумни якунлай олмади. Паулу Бенту ҳакамга ўз норозилигини билдириб, қизил карточка ишлаб олди.
