"Ювентус" президенти Андреа Аньелли истеъфоси ҳақида фикр билдирди. Унинг сўзларини Николо Скира келтиради.
“Бу нозик вазият ва бизнинг бирлигимиз бузилди. Қийин даврда бирга кетиш ва таркибни ўзгартириш имкониятини бериш яхшироқдир", - дея иқтибос келтиради Аньелли сўзларидан.
28 ноябрь куни "Ювентус" директорлар кенгаши истеъфога чиққанини эълон қилган эди. Клуб ҳозирда А Серияда учинчи ўринда бормоқда.
Анелли 2010 йилдан бери клуб президенти лавозимида ишлаб келмоқда эди. Унинг қўл остида "Ювентус" 9 марта Италия чемпиони бўлди.