"Бавария" бош директори Оливер Кан жамоа ҳимоячиси Бенжамин Паварнинг гаплари ҳақида ўз фикрлари билан ўртоқлашди.
Аввалроқ футболчи ўзини бошқа чемпионатда синаб кўришга тайёрлигини айтганди.
"Бавария"да ҳеч ким баёнотлар билан, айниқса оммавий баёнотлар билан уларнинг кетишига сабаб бўла олмайди. Бу биз учун ишламайди", - дея Каннинг сўзларини келтиради Bayern & Germany.
17 ноябрь куни Bild нашри "Бавария" Паварнинг келажаги ҳақидаги сўнгги баёнотлардан норози бўлганини хабар қилди.
Аввалроқ, 26 ёшли футболчининг хизматларига «Милан», «Реал» ва «Барселона» клублари қизиқиш билдираётгани ҳақида хабар берилганди.
Паварнинг "Бавария" билан шартномаси 2024 йилгача мўлжалланган. Жорий мавсумда у барча мусобақаларда 21 та ўйинда майдонга тушиб, 4 та гол урди.
