Бразилиялик ҳужумчи Неймар ЖЧ-2022 гуруҳ босқичининг Камерунга қарши ўйинини ўтказиб юборади. Камерун термаси билан учрашувни Неймардан ташқари ҳимоячилар Алекс Сандро ва Данило ҳам жароҳати сабаб ўтказиб юборади. Бу ҳақда Бразилия футбол конфедерасияси расмий сайти хабар берди.
“Текширув Алекс Сандронинг чап сонида мушак жароҳати борлигини аниқлади. Данило ва Неймар тўпиғидан олган жароҳатларидан ҳали тикланиш жараёнида. Неймарда иситма бор эди, ҳозир у назорат остида ва унинг жароҳатдан тикланиш жараёнига халақит бермаяпти. Учаласи ҳам Камерун билан ўйинда иштирок этмайди”, - дейилади хабарда.
