"Барселона" ярим ҳимоячиси Франк Кессиэ қишки трансфер ойнасида "Интер"га ўтиши мумкин. Милан клуби Испанияда ўйнашда муаммоларга дуч келаётган ивуарлик футболчини жамоага таклиф қилмоқчи. Бу ҳақда Football Italia хабар бермоқда.
Манбага кўра, "Интер" директори Пьеро Осилио Кессиэни 2017 йилнинг ёзида, "Аталанта"да ўйнаганида жамоага таклиф қилишга қизиққан. Бироқ, Кессиеэ "Милан"ни танлади, "россонерилар" сафида у беш йил ўтказди ва Италия чемпионлигини қўлга киритди.
Молиявий муаммолар туфайли "Интер" қишки трансфер ойнасида аксарият ижара шартномаларини тузишга тайёр, аммо Кессиэ мавсум якунига қадар "Барселона"ни тарк этишни истамаслиги катта эҳтимол.