"Ливерпуль" "Фиорентина" ва Марокаш терма жамоаси ярим ҳимоячиси Софьян Амрабатга қизиқиш билдирмоқда, деб хабар беради Correira Dello Sport.
Манбага кўра, 26 ёшли ярим ҳимоячи Қатарда бўлиб ўтган 2022 йилги жаҳон чемпионатидаги ўйини билан инглиз клубининг эътиборини тортган. Марокаш терма жамоаси гуруҳ босқичида Бельгияни мағлуб этди (2:0), Хорватия билан дуранг ўйнади (0:0).
Амрабатнинг "Фиорентина" билан амалдаги шартномаси 2024 йилгача мўлжалланган. Transfermarkt портали футболчининг нархини 10 миллион еврога баҳоламоқда.
Жорий мавсумда Амрабат "бинафшаранглилар" сафида барча мусобақаларда 20та ўйинда майдонга тушди, бироқ ҳозирча бирорта ҳам гол ура олмади.
